Arangkada of Leo Lastimosa for December 8, 2010

Mga itoy ni Glo

Napandol ang kampanya ni Presidente Noynoy Aquino batok sa pangurakot.  Apan wa mahugno.  Human ideklarar sa Korte Suprema nga nakalapas sa konstitusyon ang Truth Commission, mahimo pang awhagon sa Malakanyang ang labawng hukmanan pagsubli ug pagbakwi sa ilang desisyon.  Apan tungod sa kadako sa mayoriya, mas maayong susihon nang Aquino ang lain niyang kapilian.
Sama sa pag-awhag sa Kongreso nga maoy motukod sa komisyon, nga hingpit sa gahom pagsupina sa mga saksi ug mga ebidensiya sa mga pasangil sa pangurakot sa pamunoan ni kanhi presidente Gloria Arroyo.  O pagpalihok sa Department of Justice ug ubang mga buhatan pagtuman sa tahas sa gibasura nga komisyon.

-o0o-

Ang kontrobersiyal nga hukom sa Korte Suprema makabanhaw sa mga pagduda sa kaligdong sa mga mahistrado nga, gawas sa usa, pulos tinudlo ni Arroyo.  Ang napu ka mahistrado nga nibasura sa komisyon gipangulohan ni Chief Justice Renato Corona ug naglakip nilang Associate Justices Teresita Leonardo-de Castro, Arturo Brion, Presbitero Velasco, Diosdado Peralta, Lucas Bersamin, Mariano del Castillo, Martin Villarama, Jose Perez ug Jose Mendoza, nga maoy nagsuwat sa desisyon.
Ang lima nga nisupak gipangulohan nilang Associate Justices Antonio Carpio ug Conchita Carpio-Morales, nga tinudlo sang Arroyo apan nibalibad nga itudlo pagka chief justice sa naghinapos nga mga adlaw sa niaging pamunoan,  Eduardo Nachura, Roberto Abad ug ang bugtong tinudlo ni Aquino nga si Ma. Lourdes Sereno.

-o0o-

Usa sa mga sukaranan sa Korte Suprema pagbasura sa Executive Order No. 1 ni Aquino nga maoy nagtukod sa Truth Commission mao nga nakalapas ni sa "equal protection clause" sa konstitusyon kay nagsentro lang sa mga anomaliya nga gipasangil batok sa pamunoang Arroyo.
Apan unsa man say dangatan kon ang komisyon mosusi sa tanang pasangil sa kahiwian?  Kanus-a man mahuman silang kanhi chief justice Hilario Davide Jr. ug kaubanan kon ipaapil nilang mga transaksiyon sa diktadurang Marcos?  Unsa may makapugong sa mga manglawgaw nga mopa-imbestigar sab og apil sa Sugbuanong mga politiko nga gipasanginlang nakigkonsabo ug nagpaburot sa mga Hapones atol sa ikaduhang gubat sa kalibotan?

-o0o-

Mas dakong kabalaka:  Unsa may dangatan sa kampanya batok sa pangurakot ni Aquino karong inanay nang nabantang nga, bisan wa na sa Malakanyang, nagpabilin pang gamhanang mga gaway ni Arroyo sa Korte Suprema, sa buhatan sa Ombudsman ug ubang mga institusyon ug sa kinadak-an nga bahin sa burukrasya?
Imposibleng mapa-impeach ni Aquino silang Ombudsman Merceditas Gutierrez ug tanang sakop sa Korte Suprema nga mga itoy ni Arroyo.  Mahimo siyang mangaliya nga milagruhan ang ilang mga kasingkasing ug lamdagan ang ilang mga tanlag.  O modawat na sa kamatuoran nga di mahitabong mapatuman ang gisaad nga tanos ug mas makiangayong pamunoan.  Kon bugtong saligan mao ang nangalisbong sistema nga gitinguha niyang usbon.  [30]  leo_lastimosa@abs-cbn.com

Arangkada of Leo Lastimosa for December 7, 2010

                Way kinutobang baha

 

        Ang pagbunok sa kusog nga uwan gahapon nakapabisto nga ang mga lugar nga kanunayng gibahaan, bisan human sa taas nga El Niño, pabiling wa maatiman.  Gibahaan na sud sa pila ka dekada, bisan niadtong batan-on pang atong mga ginikanan, apan wa pa gyod maatiman hangtod karon.  Gani, nisamot pa.  Tungod sa mas daghan nang kabalayan, pagkapuo sa kakahoyan ug mas dasok nang mga basura.

        Puol nang paminawon nga padayong gibahaan ang nalupa nga mga bahin sa Metro Cebu.  Bisan sa tiyabaw sa mga molupyo, kansang mga kinabuhi nahudlat ug kabtangan nagusbat, ang mga opisyal sa gobyerno nagpakabuta-bungol.  Gipasagdan ang mga biktima nga magkuray sa kahadlok matag bunok sa uwan.

-o0o-

        Apil sa kanunayng gibahaan mao ang bahin sa A.S. Fortuna ug Tipolo sa Mandaue City, Basak sa Lapulapu City, Tisa ug kasilinganang mga barangay sa Cebu City ug kabahin sa San Roque ug Cansojong sa Talisay City.  Nagpulipuli na lang ang mga pamunoan, nga pulos nagbuwa ang baba pagpasalig og kasulbaran, apan nagkagrabe na hinuong baha.

        Ang kinaham sa lusot sa mga politiko mao ang pagsumbalik sa katawhan.  Nga ilang gipasanginlang maoy nagpataka og labay sa ilang basura maong moawas gyong mga kanal.  Inay angkunon ang ilang kapakyas pagsulbad ning batakang suliran ug mangayo og pasaylo sa padayon nga baha, ang mga biktima na hinuon sa katalagman ang gitulisok.

-o0o-

Laing lusot sa mga nagpabaya sa baha:  Maputul-putol ang mga kanal tungod sa pagdumili sa mga tag-iya sa pribadong mga luna pagpagamit sa ilang kabtangan; pipila nila mga negosyante nga nisagop sa pagtuo nga demalason ang ilang mga negosyo kon pailawoman og mga kanal.

Di kinahanglang molalis ang mga opisyal sa gobyerno sa mga tuo-tuo.  Di gani sila kinahanglan nga magpakiluoy.  Ang gobyerno may gahom sa pagpamugos pagamit sa pribadong mga luna alang sa kaayuhan sa kinabag-an.  Kinahanglan hinuon nga bayran ang mga tag-iya sa yuta.  Laing gikinahanglan mao ang kaisog sa mga politiko pagpatuman sa mga lagda bisan batok sa ilang mga tigpaluyo.

-o0o-

Ang bunok sa uwan gahapon nakapabisto sab sa pait nga kamatuoran nga ang pagpabaya sa baha di monopoliya sa gobyerno.  Kay apil sa gibahaan mao ang pribadong subdivisions sa Metro Cebu.  Ang nagyangungo nga mga molupyo gipasagdan lang sa abusado nga developers.

Nga nakapahinumdom nako sa atraso sa Housing and Land Use Regulatory Board (HLURB).  Kansang pagpabaya nakapagara sa mapahimuslanong developers.  Di ta moadto og layo.  Napamatud-an sa mga inspektor sa HLURB nga napakyas ang Sta. Lucia Realty pagkumplito sa mga kanal sa among gipuy-an nga Royale Cebu Estate sa Consolacion, Cebu.  Inay silotan ang developer, si HLURB 7 Director Roy Lopez nakalimot sa iyang pasalig pagsuspenso sa tanang proyekto sa Sta. Lucia sa Sugbo.  [30]  leo_lastimosa@abs-cbn.com

Arangkada of Leo Lastimosa for December 6, 2010

        Raket sa amotan

    Dakong supak sa lagda sa Departamento sa Edukasyon (DepEd) ang pagpangolekta sa mga magtutudlo og amotan alang sa Christmas parties gikan sa mga tinun-an sa kindergarten hangtod sa Grade IV.  Kay gitataw sa DepEd nga ilegal ang pagpangolekta og bisan unsang bayranan gikan sa mga tinun-an sa unang lima ka ang-ang sa elementarya atol sa enrolment ug sa bisan unsang higayon sa school year.

Sa ato pa, ang pagpaamot sa mga magtutudlo sa kindergarten hangtod sa Grade IV tataw nga kalapasan sa no-collection policy sa DepEd.  Bisan unsa pa kagamay sa ilang gikolekta, angay silang silotan.  Ug kon igo lang nagtuman sa sugo sa ilang mga prinsipal ug mga superbisor, angay silang ilumpong sa pagdisiplina.

-o0o-

Bisan ang pagpangolekta og amotan sa Christmas parties gikan sa mga tinun-an sa mga ang-ang labaw sa Grade IV mahimong maapiki.  Kay samtang ang pagdili sa koleksiyon gipatuman lang atol sa enrolment ug sa unang buwan sa klase, gidid-an sab ang mga magtutudlo ug ubang kadakoan sa eskuylahan sa pagpangolekta.  Bugtong ang Parents-Teachers Associations (PTAs) maoy gitugotan sa pagpangolekta.

Apan ang bisan unsang koleksiyon, bisan gitugotan, kinahanglan nga boluntaryo.  Way pugsanay.  Di mahimong hudlaton ni pakauwawan ang mga bata ug mga ginikanan nga di makaamot.  Labaw sa tanan, ang kapakyas pagbayad sa bisan unsang amotan di mamahimong sukaranan sa pagdumili paghatag og clearance sa mga tinun-an human sa school year.

-o0o-

Ang mas higpit nga pagpatuman sa no-collection policy sa DepEd gitumong pagdasig sa mga ginikanan, bisan unsa kakabos, pagpa-eskuyla sa ilang mga bata.  Kabahin ini ang pagdili ni Education Secretary Armin Luistro sa publikong elementary ug high schools pagpabayad sa mga tinun-an alang sa uniporme ug identification cards (IDs).  Ang DepEd maoy mobayad sa IDs sa mga tinun-an.

Hinaot nga ang kamatinud-anon ni Luistro makapakumbinser na sa mga magtutudlo, prinsipal ug superbisor paghunong sa nangalisbong raket sa amotan.  Wa mapatuman ang no-collection policy sa nangaging katuigan kay ang gidak-on sa koleksiyon gihimong sukaranan sa performance rating sa mga magtutudlo.  Gidudahan sang ilang kadagkoan nga may bahin sa mas dakong koleksiyon.

-o0o-

    Sa di pa pasanginlan silang Luistro ug Presidente Noynoy Aquino nga namolitika ning paghimo sa publikong mga eskuylahan nga mas mahigalaon alang sa labing kabos, angay natong mahibaw-an nga kuwang pa ning ilang gihimo.  Ang mas kabos nga kanasuran dugay rang nagpasiugda og mas agresibong mga lakang pagdani sa mga bata.
    Gawas nga way amotan, ang mga tinun-an sa pipila ka mga nasud sa Africa gipanghatagan pa gyod sa ilang gobyerno og libre nga school supplies, uniporme ug pagkaon aron wa na gyoy rason sa di pag-eskuyla.  Maong ayaw panagana pagsumbong sa pinugsanayng koleksiyon pinaagi sa pag-email sa action@deped.gov.ph.  [30]  leo_lastimosa@abs-cbn.com

Arangkada of Leo Lastimosa for December 5, 2010

        Sekretong di katabonan

    Usa ko sa mahinamon nga nag-atang sa adlaw nga sugdan na pagpagawas ang sekretong mga dokumento sa US Embassy sa Manila nga nakuha sa WikiLeaks.  Ang 1,760 ka cables pulos napada atol sa pamunoan ni kanhi presidente Gloria Arroyo, gawas sa usa nga pinetsahan og Hulyo 19, 1994, dihang si kanhi presidente Fidel Ramos pay nagtungkawo sa Malakanyang.  1,758 ka dokumento gipada tali sa Enero 2005 ug Pebrero karong tuiga.
    Sa kataposan nakong susi samtang nagsuwat ini, wa pay bisan usa ka dokumento mahitungod sa Pilipinas nga namantala.  Wa sa New York Times ug ubang media organizations nga gihatagan og pasiunang kopya sa mga dokumento.  Ni sa nagbalhin-balhin nga website sa WikiLeaks.

-o0o-

    Gibasol ni Julian Assange, ang nagtukod sa WikiLeaks, ang pagpanggukod sa Estados Unidos ug alyadong mga nasud batok nila nga maoy hinungdan sa kalangay sa pagpagawas sa sekretong mga dokumento.  Nikumpisal ang WikiLeaks nga kon makapagawas lang sila og usa ka cable matag oras, maabtan sila og 29 ka tuig una makamantala sa tanang dokumento nga ilang gihuptan.
    Kon mao, kanus-a pa man diay makagawas ang mga dokumento mahitungod sa Pilipinas?  Kon way bag-ong eskandalo nga motumaw sa relasyon sa Pilipinas ug Estados Unidos ug ubang kanasuran, kadudahan kon laktawan ba sa WikiLeaks ang mas makapakugang sa 250,000 ka mga dokumento gikan sa ubang kanasuran.

-o0o-

    Apan sa di pa makaginhawa og luag silang Arroyo ug ubang mga opisyal sa Pilipinas nga nahisgutan gyod sa mga dokumento, angay silang pahinumdoman nga wa nay makahunong ning rebolusyon nga nasugdan ni Assange ug sa Wikileaks.  Bisan kapila pa palagpota sa ilang gigamit nga websites, sayon ra silang makapahibawo sa publiko sa bag-o nilang nahimutangan pinaagi sa Twitter, Facebook ug sa tradisyonal nga media organizations.
    Si Assange may makapa-intriga nga pasidaan:  Kon madakpan o mapatay siya, manguhong sa internet ang tanang kopya sa sekretong mga dokumento nga ila nang giandam sa nagkalainlaing servers.

-o0o-

    Bisan pag gipangita na si Assange sa Interpol ug sa nagkalainlaing kanasuran tungod sa arrest warrants nga giluwatan batok niya, wa siya kapugngi pakigsulti sa mga sakop sa media ug bisan sa mga konsumidor sa media.  Ang bag-ong teknolohiya motino nga di siya mapahilom.
    Ang audio file sa pakighinabi ni Assange sa Time Magazine pinaagi sa Skype dihang gisugdan na pagpagawas ang sekretong mga dokumento mabati dinhi:  http://pdl-stream.timeinc.net/time/audio/2010/assange_audio_120110_dl.mp3.  Nakig-chat sab si Assange sa mga tigbasa sa Guardian, pamantalaan sa Britanya nga nahatagan og pasiunang kopya sa mga dokumento, ug mabasa ang mga pangutana ug tubag dinhi:  http://www.guardian.co.uk/world/blog/2010/dec/03/julian-assange-wikileaks.  [30]  leo_lastimosa@abs-cbn.com

Arangkada of Leo Lastimosa for December 4, 2010

        Lipat sa sakit

    Padayong nisulbong ang mga kaso sa diarrhea sa Dakbayan sa Danao.  Sa labing uwahing ihap, niabot og 350 ka biktima ang nasud sa mga tambalanan.  Gikahadlokang mas daghan pang nangasakit sa hugaw nga tubig sa Tabok ug kasilinganang mga barangay.  Apan wa maihap kay ang uban nagpabilin sa ilang mga pinuy-anan human nakabati nga nagsugwak nang mga pasyente sa Danao City District Hospital.
    Human sa pagpahimutang sa Tabok ug laing tulo ka barangay ubos sa state of calamity, gikahadlokang madeklarar pa gyong diarrhea outbreak sa laing unom ka barangay.  Gawas sa pagtolda-tolda sa mga pasyente, angayng mohimo ang tanang hingtungdan og mas kusganong mga lakang pagbadlong sa katalagman.

-o0o-

    Ang unang lakang pagsulbad sa suliran mao ang pag-angkon nga dunay suliran.  Apan wa gihapoy kapuslanan kon sayop ang suliran nga gipasanginlan sa pagkatap sa sakit.  Nakugang ko pagkadungog sa pipila ka opisyal sa Kapitolyo ug sa Danao nga nibasol sa pagkaguba sa chlorinator.
    Tinuod nga ang pagkaguba sa chlorinator, ang makina nga mo-anam-anam pagbutang sa tukmang gidaghanon sa chlorine ngadto sa suplay sa tubig, nakatampo sa kahugaw sa tubig.  Apan bisan wa pa magguba, ang chlorinator way mahimo pagluwas sa mga molupyo.  Tungod sa pagsulbong na pag-ayo sa nasagol sa hugaw sa tawo sa tinubdan sa tubig.

-o0o-

    Nga nahitabo tungod sa pagpabaya sa mga nagduma sa water system.  Nganong gitugotan man ang mga molupyo nga magtukod sa ilang mga pinuy-anan ug mga pansayan duol kaayo sa tinubdan sa tubig?  Nganong wa may nakahunahuna pagpatuman sa batakang lagda pagdili sa mga molupyo nga magtungkawo sa tinubdan sa tubig?
    Tungod sa pagdumili pag-ila sa tinuod nga suliran, nalipat ang mga lakang sa pipila ka mga buhatan nga nitabang sa mga biktima:  Gitudlo nilang mga molupyo unsaon pagbutang og chlorine sa tubig sa ilang mga pinuy-anan ug sa pagpabukal sa tubig sa di pa imnon; samtang mamalit og bag-ong chlorinator.  Usahay, mapakapin na lang ang pagtuki sa mas dako ug mas dinaliang panginahanglan paglimpiyo sa tinubdan sa tubig.

-o0o-

    Nga mahimo lang kon mohunong nang kabalayan sa palibot sa tinubdan sa tubig sa Tabok sa paglabay sa ilang hugaw, labi nang gikan sa ilang mga pansayan.  Duna bay igong kaisog ang mga tagduma pag-angkon sa ilang sayop ug pagtul-id ini pinaagi sa pagpabalhin sa kabalayan nga tinubdan sa kagaw sa labing daling panahon?
    Hinaot ang kadagkoan sa Danao mohunong na pagpahiyos sa tinuod nga gidaghanon sa mga biktima sa katalagman.  Hinaot nga magsugod na sila pagsusi sa ubang mga molupyo nga naigo sab sa sakit apan wa modangop sa tambalanan ug nagbuutbuot lang pagtambal sa ilang kaugalingon.  Ug hinaot susihon inay tabonan ang pasangil nga mas daghan ang nangamatay sa sakit.  [30]  leo_lastimosa@abs-cbn.com

Arangkada of Leo Lastimosa for December 3, 2010

        Tanggong sa SK

    Alang sa mga tigpasiugda sa tulo ka adlaw nga seminar nga gisugdan niadtong Miyerkules sa Cebu Grand Hotel, ang ilang gipatambong nga 71 ka chairpersons sa Sangguniang Kabataan (SK) sa Dakbayan sa Sugbo pulos way buot ug di kasaligan.  Maong kinahanglan nga kuhaan sa ilang cellphones ug ang ilang mga ginikanan di tug-anan sa mga numero sa mga kuwarto nga ilang nahimutangan.
    Insulto na ning daan sa mga pangu sa SK sa kabaranggayan, sa batan-ong mga botante nga nipili nila ug sa ilang mga ginikanan.  Nakapasamot sa eskandalo mao nga giusik-usikan pa gyod ang buhis sa katawhan aron pagpahibawo sa mga batan-on nga bisan nakadaog na sa piniliay wa gihapon silay angay.

-o0o-

    Ang seminar sa Department of Interior and Local Governments (DILG) gitawag og, panggunit palihug sa imong lingkoranan ug ginhawa og lawom, ISKOLAR-BOS (Integrated SK Organizational Leadership and Reorientation Program - Basic Orientation Seminar).  Sa ubang bahin sa Pilipinas, tagsa ka adlaw ra; ang mga way lingaw tag-duha ka adlaw; apan dinhi sa ato, ambot nganong gilamian pag-ayong mga tigpasiugda, tulo gyod ka adlaw.
    Gipahibawo sa Grand Hotel nga tag-P3,000 ang kinabaratohan nilang kuwarto ug P6,500 ang kinamahalan.  Ang gasto sa tulo ka adlaw nga kalihokan mokabat sa, panggunit na sab sa lingkoranan, P500,000.  Nga dako na unta og mahimo kon gigamit pa alang sa mas mapuslanong mga proyekto sa kabataan.

-o0o-

    Gitudloan ang mga nanambong sa seminar sa mga mithi nga kinahanglan nilang huptan pagtuman sa ilang katungdanan.  Nakapait mao nga samtang gitudloan sa ilang mga katungod, ang mga tigpasiugda mismo maoy nag-una-una paglapas sa batakan nilang tawhanong mga katungod.
    Inay tudloan sa responsibilidad pagpawong o pagpahilom sa ilang cellphones aron makatingob sa atensiyon sa seminar, ang mga nanambong gikuhaan sa ilang cellphones, makatawag lang sa ilang mga ginikanan ug makadawat og mensahe gikan nila kon tugotan sa mga tigpasiugda.  Ug kon kinahanglang mogawas, kuyogan sa mga tigpasiugda aron segurong mobalik.

-o0o-

    Angayng pahinumdoman ang mga tigpasiugda nga ang ilang aksiyon mas sipa ug mas gamhanan kay sa ilang sulti.  Di silang kaumol og umaabot nga mga lider pinaagi sa pagtanggong ug pag-isip nila nga mga hayop nga segurong masaag ug magkatibuwaag kon di gawongan.
    Kon ang kadagkoan sa DILG ug SK Federation may bisan gamay na lang pagtahud sa napili nga mga SK chairpersons ila untang giila ang ilang mga katungod sa pagdawat o pagbalibad sa imbitasyon; pagtambong o pagpahawa; pagpaminaw o pagbungul-bungol; pagyango o pagsalikway sa ilang mga tambag; ug kinasingkasing nga pagpasalamat sa mga tigpasiugda o matinahuron nga pag-nawong nila nga dakong usik-usik ang ilang salida.  [30]  leo_lastimosa@abs-cbn.com

Louise Nadeau

Featured video

WikiLeaks founder wanted on rape charges

ABC Action News

all 3,746 news articles ť
----------------------------------

Assange is a victim of a honey trap, but I suspect some info in Wiki leaks might seem like a honey trap... Wikileaks says Canadians are complacent when it comes to terrorism. Wow really? Do tell me.

He stuck his middle finger up to the powers that be, they'll find a way to get him. If it isn't this it will be something else. They need to set an example to others who want to shed light on the secret nastiness world governments engage in daily.

well its very good work by julian assaange. And public has right to know everything....as it could help in mantaining peace in world . but dark side is " It can be cause of world war-3 in nearby future.

3e8ik5tg

ATTENTION WINNER

Download winning info

Matilda Sutherland

Julian Assange »

Sydney Morn...

Interpol Issues Arrest Warrant for WikiLeaks Founder Julian Assange

Fox News - ‎32 minutes ago‎

The Australian is suspected of rape, sexual molestation and unlawful coercion in an investigation that stems from his encounters with two women during a visit to Sweden in August.

Video: Cable-embarrassed: How will US make WikiLeaks shut up? RT

15149534238213238209238204238197238187238186

WikiLeaks founder Julian Assange: What does he want? Christian Science Monitor

The Associated Press - Wall Street Journal - Reuters - CBS News - Wikipedia: Julian Assange

fv5tg7ujm

Bruno Spivey

Images

Reuters

 

msnbc.com

 

Toddler dies at Virginia mall, grandmother charged

Reuters - ‎3 hours ago‎

WASHINGTON (Reuters) - A 2-year-old girl died on Tuesday after being thrown off a balcony at a shopping mall in the Virginia suburbs of Washington, and her grandmother faces charges over her death, police said.

238173238172238169238167238164

Video: Police: Grandmother Threw Child to Death at Mall The Associated Press

 

Cops: Grandma threw child to her death at Va. mall The Associated Press

 

tgyh7u8i9o

Arangkada of Leo Lastimosa for December 1, 2010

                Huboan sa kahayag

 

        Unsa bay tan-aw sa Estados Unidos sa pag-ulbo sa Hello Garci scandal niadtong 2005?  Tinuod bang nahibawo sila sa giingong panagsulti nilang kanhi presidente Gloria Arroyo ug kanhi Comelec commissioner Virgilio Garcillano sa wa pamabisto ang higanteng maniobra sa piniliayng presidensiyal niadtong 2004?  Giunsa ba gyod ni Arroyo pagbaraw ang sibaw nga mga awhag sa iyang resignasyon gikan sa mga sakop sa iyang gabinete, ni anhing presidente Cory Aquino ug sa ubang nagpakabana nga mga sektor?

        Tinuod bang gikan sa US ang kasayuran sa kabtangan sa mga Arroyo sa San Francisco?  May papel bang US sa pagbalik sa Tokyo sa ayroplanong gisakyan sa magtiayong Arroyo sa Tokyo para Hawaii?

-o0o-

        Pipila, kon di man tanan, ning mga pangutana mahimong matubag kon mapagawas na ang unod sa 1,760 ka mga dokumento gikan sa US Embassy sa Manila nga nahipos sa WikiLeaks.  Ang online whistleblower nipahibawo nga nahuptan nila ang 250,000 ka diplomatic cables nga gipada sa mga embahada sa US sa tibuok kalibotan sa niaging 44 ka tuig.

        Ang duha ka labing sayong dokumento gipada gikan sa Manila niadtong Hulyo 19, 1994 (panahon ni kanhi presidente Fidel Ramos) ug Nobyembre 21, 2001 (napu ka buwan human nipuli si Arroyo sa Malakanyang).  Ang nahibiling 1,758 ka dokumento gipada sugod niadtong Enero 2005 hangtod sa Pebrero karong tuiga.

-o0o-

        "Unclassified" ang kinabag-an sa mga dokumento nga gipada sa US Embassy sa Manila.  Sa ato pa, di sekreto.  Ang mga press release nga gi-email sa US Embassy nako pulos gimarkahan og "unclassified."

        Apan duna say 749 nga "classified" nga mga dokumento ug 65 nga "secret."  Pila ka adlaw sa wa pa mogawas ang mga dokumento, gipanawgan na sa US ang nahisgutang mga opisyal sa Pilipinas.  Gawas nilang Ramos ug Arroyo, kinsa pa kaha ang uban nilang gitawgan?  Ug kinsa kaha nila ang wa na karoy tarung nga kinatulgan?

-o0o-

        Kadudahan ang tinuod nga kapuslanan sa mga dokumento nga nahipos sa WikiLeaks, ang online whistleblower nga nitingob sa iyang panahon pagbisto sa sekretong mga dokumento.  Pipila sa nanggawas nga mga dokumento mga paniid lang sa mga embahador ug di gyod opisyal nga baruganan sa Amerikanhong kagamhanan.  Ambot may sukaranan ba ang pagpasaka og mga kaso batok sa tinagoang mga transaksiyon base sa mga dokumento.

        Usa sa kapuslanan sa pagbisto sa mga dokumento mao ang paghatag og kahigayonan sa katawhan paglili unsay gihimo sa labing gamhanan nga mga opisyal sa kanasuran sa mga higayon nga gipakaingon nila nga way nagtan-aw.  Nga hinaot magsilbing pasidaan sa mga opisyal nga padayong nagpuyo sa kangitngit.  Nga inihap na lang ang mga adlaw sa di pa sila maapsan, ug mahuboan, sa kahayag.  [30]  leo_lastimosa@abs-cbn.com

Dillon Combs

"Dillon Combs"

Latest upd6micc4iates: Wikileaks' diploa9sua5matic cables relktzbease

CNN (blog) - ‎50 minutes ago‎

WikiLeaks, a whistle-blowitqelf4qbng website known for leakgib63ing state secrets, hvagas rele40rased its latest batch of controversial docugyw8ments. It has posted the first of ...

Video: WikiLeaks reveal sensitive US cables Ne60x6wsX

Answers to Readers' Questd2ions About State's Secrzv37sets New York Times

The Politics Of WikiLeaks Huffington Post

all 4,847 news articles 2ws7ujm8ik  ť

Arangkada of Leo Lastimosa for November 30, 2010

Bayad sa kanta

Ubos sa balaod, kon kompositor o magsusuwat ka og kanta, duna kay katungod pagpaningil og bayad sa tanang mopatokar sa imong awit:  Sa direktang mamalit sa imong CDs, mga estasyon sa radyo ug telebisyon nga mosibya sa imong awit, mga pelikula nga moggamit sa imong awit ug bisan sa videoke shops, mga kan-anan, mga buhatan, mga tindahan, mga pamasaherong sakyanan ug ubang publikong mga dapit nga mopatokar sa imong awit.
Sa ato pa, kon mosikat ang imong awit, labi na kon mahimoan og pelikula, mahimo ka nang maghayanghayang nga magpaabot sa royalties.  Nga, agad sa lahutay ug gidaghanon sa mosikat nimong mga kanta, mahimong kasandigan hangtod sa imong mga apo.

-o0o-

Apan nganong masulub-on man ang kinabuhi sa labing bantogan natong mga kompositor ug mga magsusuwat og kanta?  Kini tungod kay sa karaang panahon, mga recording companies maoy hawod.  Sila ray magbuot pilay ihatag nga bahin, kon duna man, ngadto sa kabos ug way alamag nga mga nagmugna sa mga awit.

Usa sa nakapaulbo ni kanhi kongresista Jose "Sir Dodong" Gullas ug nakaaghat niya paghimog sa tinuig nga "Halad sa Sugbuanong Kanta" mao ang nahitabo sa "Kasadya Ning Taknaa" ni Vicente Rubi.  Gawas nga wa bayri sa minilyon ka pesos nga royalties, gipapas pa gyong ngan ni Rubi isip kompositor sa Tinagalog nga "Ang Pasko ay Sumapit."

-o0o-

Karon, mas nakaamgo na ang mga kompositor ug mga magsusuwat og mga awit sa ilang mga katungod.  Apan makaato ba sila pagpaminaw sa tanang sibyaanan, pelikula, kan-anan, tindahan, buhatan, videoke ug sakyanan nga mopatokar sa iyang mga kanta?  Kon makatsamba man, may kuwarta, katakos ug panahon bang mokiha ug maningil sa mga nakalapas sa ilang katungod?
Lisod.  Kon mag-iyahay sila.  Apan kon magkahugpong ang mga kompositor ug mga magsusuwat, mas kapanalipdan ang ilang mga katungod gikan sa mga kawatan ug mga pirata.  Nga maoy labing dakong gimbuhaton ug kapuslanan sa Filscap (Filipino Society of Composers, Authors and Publishers).

-o0o-

Ang Filscap, isip sakop sa kalibotanong kahugpongan nga Cisac (International Confederation of Societies of Authors and Composers) nga nagbase sa Paris, giila sa tibuok kalibotan nga maoy opisyal nga music copyright society sa Pilipinas.
Pagkakaron, ang Filscap dunay kapin sa 784 ka mga sakop nga naglakip nilang Constancio C. De Guzman, Simplicio Suarez, Lucrecia Kasilag, Levi Celerio, Tito Arevalo, Josefino Cenizal, Restie Umali, George Canseco, Lucio San Pedro, Ernani Cuenco, Ryan Cayabyab, Willy Cruz, Jose Mari Chan, Jim Paredes, Danny Javier, Rey Valera, Tito Sotto, Mon del Rosario, Vehnee Saturno and Professor Felipe P. De Leon.  Padayong nag-imbentaryo ang Filscap sa mga kanta sa ilang mga sakop, naningil sa mga niggamit sa mga kanta ug nipatuman sa nauyonan nga paagi pagbahinbahin sa ilang kita.  [30]  leo_lastimosa@abs-cbn.com

DTI asks retailers to sell "noche buena" products at prescribed prices so they won't face profiteering probes.

Get 15% Discount On ALL Watches!!! Replica Patek Philippe Astronomical Celestial Double Dial Watches | Rattrapante Chronograph I

Watches Rolex Sports Models Rolex Datejusts Louis Vuitton A Lange & Sohne Aigner Alain Silberstein Audemars Piguet Bell & Ross Blancpain Breguet Breitling Bvlgari Cartier Chanel Chopard Chronoswiss Concord Corum Dewitt Dior Dolce & Gabbana Ebel Emporio Armani Enicar Ferrari Franck Muller Girard Perregaux Glashutte Graham Gucci Guess Hermes Hublot IWC Jacob & Co Jaeger LeCoultre Jaquet Droz Longines Mont Blanc Movado Omega Oris Panerai Parmigiani Patek Philippe Philip Stein Piaget Police Porsche Design Rado Richard Mille Roger Dubuis Sarcar Tag Heuer Technomarine U-Boat Ulysses Nardin Vacheron Constantin Welder Zenith Handbags & Wallets Louis Vuitton Chanel Chloe Gucci Hermes Prada Jewelry & Accessories Tiffany & Co Bangles Boxsets Bracelets Cufflinks Earrings Keychains Lighters Money Clips Necklaces Pens Phone strap Ring

4d3e4rfv5t Portuguese Chronograph Oyster DayDate Full 18K Gold Case Mens Monza Calibre 36 Replica Mont Blanc Profile XL Chronograph Watches Replica Hermes Classic Watches Portuguese Automatic Chronograph Replica Bell & Ross BR01 96 Watches Replica Panerai Radiomir Tourbillion Watches Breitling Bentley Flying B Watches Spitfire Chronograph Automatic Replica Roger Dubuis Easy Diver Chronograph Watches Replica Omega Seamaster Aqua Terra Railmaster Watches Oyster DayDate Full 18K Gold Case Mens Oyster Datejust Full 18K Gold Case Ladies Replica Rolex Datejusts Oyster Datejust SS Watches Hublot Watches Replica Rolex Sports Models Yachtmaster Platinum Watches Must 21 Series Must 21 Quartz Rado Watches Turnograph 18k Gold Case Mens Datejust Jubilee Turnograph 18kSS Men Submariner SS Replica IWC Spitfire Chronograph Automatic Watches Replica Patek Philippe Tourbillon Watches Replica Rolex Sports Models Submariner Comex Watches Replica Panerai Luminor Marina SS Bracelet Watches Mercedes Benz SLR Chronograph Replica Roger Dubuis Easy Diver Chronograph Watches Replica Chanel J12 Black Tourbillion Watches Lanieres Series Replica Louis Vuitton Speedy Watches Replica Glashutte Pano Retro Graph Watches Blackbird Replica Mont Blanc Timewalker Chronograph Watches Turnograph Mens 1884 Hercules Series Presidential Platinum Men Oyster Datejust Ladies Franck Muller Navitimer Range IWC Replica Cartier Allongee Ceinture Watches Ferrari Panerai Replica Watches * Concord WatchesB Zero Mont Blanc Rado Watches Replica Patek Philippe Classic Square Automatic Watches Replica Bell & Ross BR01 92 Automatic Watches Replica Chanel Superleggera J12 White Watches

Get 15% Discount On ALL Watches!!! Double Eagle Chronometer Mid Size | Replica Tag Heuer NBA Star Yao Ming Limited Edition Watches

Watches Rolex Sports Models Rolex Datejusts Louis Vuitton A Lange & Sohne Aigner Alain Silberstein Audemars Piguet Bell & Ross Blancpain Breguet Breitling Bvlgari Cartier Chanel Chopard Chronoswiss Concord Corum Dewitt Dior Dolce & Gabbana Ebel Emporio Armani Enicar Ferrari Franck Muller Girard Perregaux Glashutte Graham Gucci Guess Hermes Hublot IWC Jacob & Co Jaeger LeCoultre Jaquet Droz Longines Mont Blanc Movado Omega Oris Panerai Parmigiani Patek Philippe Philip Stein Piaget Police Porsche Design Rado Richard Mille Roger Dubuis Sarcar Tag Heuer Technomarine U-Boat Ulysses Nardin Vacheron Constantin Welder Zenith Handbags & Wallets Louis Vuitton Chanel Chloe Gucci Hermes Prada Jewelry & Accessories Tiffany & Co Bangles Boxsets Bracelets Cufflinks Earrings Keychains Lighters Money Clips Necklaces Pens Phone strap Ring

4d3e4rfv5t Mille Miglia GMT Rubber Strap Royal Oak 30th Anniversary Chronograph Replica Bvlgari Assioma Chronograph Watches Milgauss SS Mens Tag Heuer Watches Rettangolo Privacy Policy Timewalker GMT Automatic Omega Seamaster Railmaster Chronograph Replica Movado SE Watches Replica Omega Seamaster Watches Replica Omega Seamaster CoAxial Watches Replica Rolex Datejusts Masterpiece White Gold Watches Rattrapante Automatic Pasha C Lanieres Series Submersible Moonphase Replica Tag Heuer Formula 1 Series Formula 1 Chronograph Watches Antimagnetic Watches Olympic Series Replica Cartier Pasha C Chronograph Watches * Chopard WatchesReplica Movado Fiero Watches Replica Tag Heuer Link Automatic Chronograph Watches Seamaster Pro 300m Seamaster 300m GMT Timewalker Chronograph Replica Zenith Port Royale Watches Tommy Hilfiger Must De Cartier Conquistador Mont Blanc Datejust Jubilee 18kSS Men Rado Watches Replica Chopard Classic Watches Dolce & Gabbana * Alain SilbersteinReplica Cartier Tank Francaise Chronograph Watches A Lange & Sohne Skeleton Automatic Replica Omega Omega Speedmaster Racing Chronometer Watches Yachtmaster 18k & SS Zenith Watches Replica Patek Philippe Classic Square Automatic Watches Replica Panerai Ferrari Scuderia GMT Watches Replica Rolex Sports Models Submariner 18k & SS Watches Replica Breguet Classique Complication Tourbillon Watches Presidential Platinum Men Replica Cartier Roadster Chronograph Watches Masterpiece Watches Skeleton Automatic

Get 15% Discount On ALL Watches!!! Replica Patek Philippe Classic Square Automatic Watches | Replica IWC Portuguese Perpetual Calendar Watches

Watches Rolex Sports Models Rolex Datejusts Louis Vuitton A Lange & Sohne Aigner Alain Silberstein Audemars Piguet Bell & Ross Blancpain Breguet Breitling Bvlgari Cartier Chanel Chopard Chronoswiss Concord Corum Dewitt Dior Dolce & Gabbana Ebel Emporio Armani Enicar Ferrari Franck Muller Girard Perregaux Glashutte Graham Gucci Guess Hermes Hublot IWC Jacob & Co Jaeger LeCoultre Jaquet Droz Longines Mont Blanc Movado Omega Oris Panerai Parmigiani Patek Philippe Philip Stein Piaget Police Porsche Design Rado Richard Mille Roger Dubuis Sarcar Tag Heuer Technomarine U-Boat Ulysses Nardin Vacheron Constantin Welder Zenith Handbags & Wallets Louis Vuitton Chanel Chloe Gucci Hermes Prada Jewelry & Accessories Tiffany & Co Bangles Boxsets Bracelets Cufflinks Earrings Keychains Lighters Money Clips Necklaces Pens Phone strap Ring

4d3e4rfv5t Technomarine Watches * Dolce & GabbanaReplica IWC Portuguese FA Jones Edition Watches Presidential Mens * Concord WatchesOris Watches Pasha Ferrari Granturismo Automatic Roger Dubuis Watches Ergon Replica Porsche Design Chronograph Indicator by Externa Watches Replica Bvlgari Rattrapante Automatic Watches Replica Vacheron Constantin Tourbillon Watches Technomarine Watches Roadster Replica Omega Omega Speedmaster Professional Watches Dolce & Gabbana Watches Roger Dubuis Watches Replica Omega Omega De Ville Co Axial Chronometer Watches * Omega WatchesBell & Ross Watches Replica Panerai Luminor Regatta Watches Replica Bvlgari Diagono Scuba Chronograph Watches Roadster Chronograph * Breitling WatchesChristian Dior Replica Louis Vuitton Tambour Automatic Watches Ladys Quartz Rolex Sports models Replica Breitling Navitimer Heritage Watches Antimagnetic Watches Roger Dubuis Watches Jacob & Co Watches Replica Rolex Sports Models Yachtmaster Full 18k Gold Watches Replica Chanel Superleggera J12 Black Watches Replica Cartier Tank Americaine Watches Luminor Marina SS Bracelet Replica Dior Christal Bracelet Watches Replica Rolex Sports Models Yachtmaster II White Gold Watches Replica Patek Philippe Slim Quartz Watches Co_Axial Power Reserve Turnograph 18kSS Case Mens Gucci Watches Bentley Motors Replica Chopard Happy Diamonds Spirit Edition Watches Omega Datejust Jubilee SS Case Mens Diamond Bracelet Tommy Hilfiger Chronograph Oris Watches Yachtmaster II White Gold