Reminder: Dave Tumulak invited you to join Facebook...

facebook Hi, The following person invited you to be their friend on Facebook: Dave Tumulak Invite sent: Aug 13, 2010   Other people you may know on Facebook: Leo Lastimosa ABS-CBN Broadcasting Corp Bong Nierra Edison A. Delos Angeles Dyab Cebu Philippines Dyab Arangkada   Facebook is a great place to keep in touch with friends, post photos, videos and create events. But first you need to join! Sign up today to create a profile and connect with the people you know. Thanks, The Facebook Team Facebook is free and anyone can join. Sign Up To sign up for Facebook, follow the link below: http://www.facebook.com/r.php?re=b2b4a652a3a24ae91e13fbefc60e9caa&mid=30719aaG5af366669e8dG0G46 This message was intended for dyab-cebu.tabang@blogger.com. If you do not wish to receive this type of email from Facebook in the future, please click here to unsubscribe. Facebook, Inc. P.O. Box 10005, Palo Alto, CA 94303

Arangkada of Leo Lastimosa for September 25, 2010

Panagang sa IIRC

Dako ang problema sa mga sakop sa Incident Investigation and Review Committee (IIRC):  Silay gidakdakan sa masuk-anong pagsaway sa mga naigo sa ilang rekomendasyon apan, gawas nga gipasubli pang Presidente Noynoy Aquino, wa pa gyod ipagawas sa Malakanyang ang kinatibuk-an nilang taho.  Maong di sila hingpit nga makapanalipod sa ilang kaugalingon.  Labi na kon ang labing epektibo nilang panagang nahimutang sa bahin sa taho nga gitagoan sa palasyo.
Apan di mahimong magpatara lang sila.  Maong usa nila nipagawas sa gitagoan nga bahin sa taho.  Sa way pagpaila niya.  Nga mahimo lang pinaagi sa paghatag sa kasayuran ngadto sa pinili nga mga sakop sa media.

-o0o-

Mga kasong kriminal ug administratiba ang ilang girekomendar nga ipasaka batok ni Manila City Mayor Alfredo Lim tungod sa iyang pagpanapaw sa ground commander pinaagi sa pagpadakop ni Gregorio Mendoza, igsuon sa hostage taker nga si Rolando Mendoza, ug pagmando ni Manila Police Distict Chief Rodolfo Magtibay pagbiya sa command post dayong ulbo sa pinusilay.

Nirekomendar sab ang IIRC nga magpasiugda ang Department of Justice (DOJ) og pasiunang imbestigasyon pagtuon sa pagpasaka og pormal nga mga kasong kriminal batok nilang Heneral Magtibay, National Capital Region Police Office Director Leocadio Santiago, kanhi PNP Director General Jesus Verzosa, DILG Undersecretary Rico Puno, Superintendent Orlando Yebra ug MPD SWAT commander Santiago Pascual III.

-o0o-

Giawhag sa IIRC ang dinalian nga pagpasaka og mga kasong administratiba batok nilang Manila City Vice Mayor Isko Moreno, ang nibitbit sa suwat sa Ombudsman nga gikatahong nakapaulbo ni Rolando Mendoza, Magtibay, Santiago, Verzosa, Puno, Yebra ug Pascual.

Wa silay kaso nga girekomendar nga ipasaka apan niawhag nga ipadayon ang pagsusi sa mga pasangil batok nilang Ombudsman Merceditas Gutierrez, nga gitumbok nga niyaka sa motion for reconsideration sa hostage taker sud sa pito ka buwan, ug Deputy Ombudsman Emilio Gonzalez, nga giingong gipasanginlan nga nangilkil og P150,000 gikan ni Rolando Mendoza.

-o0o-

Ang dokumento nga gipagawas sa wa pa ilha nga sakop sa IIRC nagpakita nga wa silay kaso nga girekomendar nga ipasaka batok sa mga sakop sa media.  Sukwahi sa pahibawo ni Presidente Aquino.  Igo lang nilang giawhag ang DOJ sa pag-imbestigar nilang Erwin Tulfo ug Michael Rogas sa DzXL, nga nakighinabi ni Mendoza dayon niyang pamusil sa mga bihag.
Igo lang sab nga nirekomendar ang IIRC sa Kapisanan ng mga Brodkaster ng Pilipinas (KBP) pagsusi sa posibleng kalapasan nga nahimo sa live coverage sa ABS-CBN, GMA 7 ug TV5, labi na ang mga bahin nga nagpakita sa nahimutangan ug kalihokan sa kapolisan.  Ang imbestigasyon  karon sa KBP sa mga pasangil batok sa RMN mahimo rang palapdan aron maglakip sa ABS-CBN ug TV5.  Ang GMA 7 di sakop sa KBP busa ubos sa lagda angayng imbestigahon sa National Telecommunications Commission.  [30]  leo_lastimosa@abs-cbn.com