To join this earning program visit below link :-
Many Bloggers are earning from the affiliate program of Hosting portal hostgator.com
You can earn with Google adsense also visit following links for reference :-
Tuesday, July 05, 2011
How to Earn With Hostgator and Adsense In India
We Can Earn online with Hostgator on commission basis .
Arangkada of Leo Lastimosa for July 6, 2011
Lit-ag ni Gloria
Ang mga anomaliya nga gipasangil batok ni kanhi presidente Gloria Arroyo ug sa iyang mga alyado nakadapit sa pagtagad apan wa na makapakugang sa kinabag-an sa katawhan. Kay dugay na silang nagduda sa kalambigitan sa niaging pamunoan ngadto sa daghan uyamot nga mga eskandalo. Apan way paagi sa pagtino ni paghipos og dugang kasayuran. Daghang salamat sa pagbuong ni Arroyo sa kaligdong sa nagkalainlaing mga institusyon.
Ang labing uwahing nabisto nga eskandalo sa pagwaldas sa pundo sa Philippine Charity Sweepstakes Office (PCSO) nidason sa dugay nang gikahadlokan sa kadaghanan--nga bisan ang mga haligi sa Simbahang Katoliko wa makaikyas sa bangis nga mga kuko sa maniobra sa pagpabilin ni Arroyo sa gahom.
Maong may sukaranan ang mga kahibung nganong human sa usa ka tuig sa katungdanan wa pa magpungasi ang mga kaso nga gipasaka ni Aquino batok nilang Arroyo ug kaubanan. Sayop ba ang mga pasangil sa kahiwian sa nangaging mga transaksiyon? O naglisod pagpalig-on sa mga kaso ug nasobrahan ra ang kamapanagan-on sa bag-ong pamunoan?
Apan niangkon ang mga suod ni Aquino nga mapanagan-on sab sila. Tungod sa gihulagway nila nga "landmines" nga mahimong gibilin ni Arroyo pagbaraw sa bisan unsang pagsuway paggukod nila. Wa say makalalis sa ilang kabalaka. Kay ang mga hukmanan ug ubang mga institusyon padayong gidominahan sa mga tinudlo ni Arroyo.
Sa di pa magpagapos si Aquino sa iyang mga panagana, angay siyang pahinumdoman nga gituboy siya sa katawhan bisan kon ang iyang kampanya maoy labing iwit nga nakasugod ug labing huyang og makinarya tungod sa iyang gisaad nga kausaban ug kahigayonan sa pagpangandoy pag-usab. Way nahimo si Arroyo pagpugong sa bul-og sa iyang kadaogan sa niaging piniliay. Labaw nang way makapugong sa pagtuman ni Aquino sa iyang mga saad karon. [30] leo_lastimosa@abs-cbn.com
Ang mga anomaliya nga gipasangil batok ni kanhi presidente Gloria Arroyo ug sa iyang mga alyado nakadapit sa pagtagad apan wa na makapakugang sa kinabag-an sa katawhan. Kay dugay na silang nagduda sa kalambigitan sa niaging pamunoan ngadto sa daghan uyamot nga mga eskandalo. Apan way paagi sa pagtino ni paghipos og dugang kasayuran. Daghang salamat sa pagbuong ni Arroyo sa kaligdong sa nagkalainlaing mga institusyon.
Ang labing uwahing nabisto nga eskandalo sa pagwaldas sa pundo sa Philippine Charity Sweepstakes Office (PCSO) nidason sa dugay nang gikahadlokan sa kadaghanan--nga bisan ang mga haligi sa Simbahang Katoliko wa makaikyas sa bangis nga mga kuko sa maniobra sa pagpabilin ni Arroyo sa gahom.
-o0o-
Ang nangalisbong mga transaksiyon sa napulihang pamunoan maoy nakapilde sa mga nanagan sa niaging piniliay nga naduhigan sa kalang-og ni Arroyo. Ang panumpa pagsumpo sa pangurakot maoy usa sa nakapatungtong ni Presidente Noynoy Aquino sa Malakanyang.Maong may sukaranan ang mga kahibung nganong human sa usa ka tuig sa katungdanan wa pa magpungasi ang mga kaso nga gipasaka ni Aquino batok nilang Arroyo ug kaubanan. Sayop ba ang mga pasangil sa kahiwian sa nangaging mga transaksiyon? O naglisod pagpalig-on sa mga kaso ug nasobrahan ra ang kamapanagan-on sa bag-ong pamunoan?
-o0o-
Ang pagkatangtang ni kanhi Ombudsman Merceditas Gutierrez, may mga kundisyon man o wa ang iyang resignasyon, nakapapas sa pasiunang kalisod sa paggukod nilang Arroyo ug kaubanan. Ang pagkatudlo sa bag-o ug hinaot nga mas ligdong, mas takos ug mas kasaligan nga bag-ong Ombudsman gipaabot nga makapabuylo na gyod sa kampanya batok sa pangurakot.Apan niangkon ang mga suod ni Aquino nga mapanagan-on sab sila. Tungod sa gihulagway nila nga "landmines" nga mahimong gibilin ni Arroyo pagbaraw sa bisan unsang pagsuway paggukod nila. Wa say makalalis sa ilang kabalaka. Kay ang mga hukmanan ug ubang mga institusyon padayong gidominahan sa mga tinudlo ni Arroyo.
-o0o-
Gipahinumdoman na si Aquino sa posibleng pag-alsa sa kasundalohan kon pasagdan niya ang ilang mga panginahanglan. Gipasidan-an na siya og ex-communication sa pipila ka obispo nga nasuko sa iyang pagpangahas pagsukwahi sa baruganan sa simbahan. Ug nabasura na ang pipila sa labing mahinungdanon niyang mga lakang, apil nang pagkatukod sa Truth Commission nga pangulohan unta sa Sugbuanong kanhi chief Justice, Hilario Davide Jr.Sa di pa magpagapos si Aquino sa iyang mga panagana, angay siyang pahinumdoman nga gituboy siya sa katawhan bisan kon ang iyang kampanya maoy labing iwit nga nakasugod ug labing huyang og makinarya tungod sa iyang gisaad nga kausaban ug kahigayonan sa pagpangandoy pag-usab. Way nahimo si Arroyo pagpugong sa bul-og sa iyang kadaogan sa niaging piniliay. Labaw nang way makapugong sa pagtuman ni Aquino sa iyang mga saad karon. [30] leo_lastimosa@abs-cbn.com
Subscribe to:
Posts (Atom)
